Қитъамизда Осиё кубоги-2019 саралашининг гуруҳ босқичи йўлланмаси учун плей-офф баҳслари бошланди.

Кеча Тожикистон терма жамоаси ўз майдонида Бангладешни қабул қилди ва йирик 5:0 ҳисобида ғалаба қозонди. Ҳаким Фузайлов шогирдлари ушбу ғалаба орқали амалда гуруҳ босқичи йўлланмасини ҳал қилиб қўйишди.

Қолган натижалар қуйида келтириляпти. Жавоб баҳслари 7 июнь куни бўлиб ўтади.

Осиё кубоги-2019. Саралаш плей-офф, дастлабки ўйинлар
Тожикистон – Бангладеш – 5:0
Хитой Тайпейи – Камбожа – 2:2
Лаос – Ҳиндистон – 0:1
Малайзия – Шарқий Тимор – 3:0
Мальдив ороллари – Яман – 0:2

Ушбу босқичда ғолиб чиққан жамоалар ўз иштирокларини саралашнинг гуруҳ босқичида давом эттиришади. Мағлуб бўлган 5та жамоа сафига Бутан қўшилади ва жамоалар 3та жуфтликка бўлинган ҳолда плей-оффда иштирок этиб, гуруҳ босқичининг яна 3та жамоаси номига аниқлик киритишади.