"Уэмбли" стадиони ходимлари Англия ва Португалия (1:0) терма жамоалари ўртасида ўтказилган ўртоқлик ўйини тугагач, инглиз футболчиларининг паспортларини олиб қўйишган, дея хабар беради "Daily Mail".
Хабарга кўра, Англия терма жамоасининг бош мураббийи Рой Хожсон футболчиларга уч кунга рухсат берган, бироқ таътилни фақат Буюк Британия ҳудудида ўтказиш мумкинлиги ҳақида уларни огоҳлантирган. Футболчилар мамлакат ҳудудини пинҳона тарк этмаслиги учун эса паспортларини олиб қўйишни буюрган.
Айтишларича, футболчилар бу ҳолатни тўғри тушуниб, ўз оилалари даврасида дам олишга ижозат берган бош мураббийга миннатдорчилик билдиришган.
