Андрей Шевченко “Милан” клубида юз бераётган воқеаларга муносабат билдирар экан клубда нимадир хато эканлигини айтиб ўтди. Охирги марта 2010-2011 йиллардаги мавсумда А серияда ғалаба қозонган жамоада шундан кейин муваффақиятсизликлар даври бошланди. Малдинининг фикрича жамоадаги жуда кўпчилик футболни тушунишмайди ва бу фикрни Шевченко ҳам тасдиқлаб ўтди.

“Паоло Малдини гапирганда доим диққат билан тинглашади. Буни натижаларнинг ўзиёқ айтиб турибди” дейди Шевченко. “Агар кўзлаган мақсадингга эришмасанг бу нимадир хато эканлиги билдиради. У вазиятни мендан кўра яхшироқ билади. Мен доим унинг фикрини ҳурмат қилиб келганман. Жамоа ичида нимадир жойида эмас. Ўтган йиллар давомида жуда кўплаб хатоликларга йўл қўйилди. Жамоа бир неча йил ЕЧЛда омадсизликка эришса ва жамоа майдонда керакли натижаларга эриша олмаса бу фақатгина футболчиларнинг хатоси бўлиб қолмайди. Балким клуб ичида каттароқ масалалар бордир. Мен доимо “Милан” клубини севаман. Бу клуб менинг оилам. Мен клубни, президентини ва албатта мухлисларни ҳурмат қиламан. Воқеалар ривожини кутиб қоламан. Клуб президенти Силвио Берлусконининг жамоадан кетаётганидан афсусдаман. Лекин у нималар қилаётганини яхши билади. Ишончим комилки, жамоани сотиш ҳақидаги қарори борасида узоқ вақт ўйлаган. Кўрамиз нималар бўлар экан”.