Англиянинг Mail on Sunday нашри Евро-2016 иштирокчилари орасида футболнинг қанчалик оммавийлигини аниқлаш бўйича изланиш ўтказди.

Тадқиқотлар пайтида стадионларга кирган томошабинларнинг сонини мамлакат аҳолиси сонига нисбати ўрганиб чиқилди.

Изланишлар якунига кўра, бу кўрсаткич бўйича Исландия яққол пешқадамликни қўлга киритди. Бу мамлакатнинг 7,5% аҳолиси футбол ўинларига доимий равишда кириб туриши аниқланди (аҳоли сони - 329 минг киши, футболга кирувчилар миқдори - 24684 мухлис).

Биринчи бешликдан Англия, Швеция, Бельгия ва Португалия мамлакатлари ўрин олган бўлса, охирги ўринни Россия эгаллади. Унинг фақатгина 0,2% аҳолиси футболга мунатазам равишда кириб туриши аниқланди.

Россия билан бир қаторда Венгрия, Руминия, Украина ва Туркияда ҳам футбол ўйинларига ташриф буюриш паст даражада экани аниқланди.

Тўлиқ жадвални қуйидаги ҳаволадан билиб олиш мумкин.