“Ростов” клуби ва Эрон терма жамоасининг ҳужумчиси Сардор Азмун Македония терма жамоасига қарши ўтказилган ўртоқлик ўйини (3:1) борасида ўз фикрларини билдирди. Бу ўйинда ёш ҳужумчи рақиб дарвозасига учта гол уришга муваффақ бўлганди.

«Македония — кучли жамоа, уларнинг бир неча футболчиси Европанинг кучли лигаларида, Испания Примероси ва Италия “А” сериясида ўйнайди. Бундай жамоани мағлуб этганимиздан хурсандман.

Айниқса, Эрон терма жамоаси сафидаги илк хет-тригим мени жудаям қувонтирди. Умид қиламанки, бу ҳали бошланиши. Терма жамоам сафида бир ўйинда уч гол урганимдан жуда фахрланаман. Жамоадошларимга катта раҳмат, уларнинг ажойиб тўп узатишлари мени голларимга сабабчи бўлди” – деди Азмун Tehran Times хабарига кўра.