Абхазияда мустақиллиги тан олинмаган давлатлар ўртасида футбол бўйича жаҳон чемпионати ўтказилди.
Мусобақанинг финалида майдон эгалари ва Панжоб (Ҳиндистон ва Покистон ўртасидаги тарихий вилоят) терма жамоаси куч синашишди. Ўйиннинг асосий вақти дуранг натижа билан якунланди – 1:1. Пенальтилар сериясида эса абхазиялик футболчиларнинг қўли баланд келди (6:5) ва улар жаҳон чемпиони бўлишди.
Бронза медал Шимолий Кипр терма жамоасига насиб қилди. Улар Падания терма жамоасини 2:0 ҳисобида мағлуб этишди.
Бу чемпионат Мустақил футбол ассоциациялар конфедерацияси (ConIFA) ва тан олинмаган давлат ва миллатлар, ҳудудлар ҳамкорлигида ўтказилди.
