Лондоннинг «Арсенал» клуби “Лестер Сити” яримҳимоячиси Риёз Маҳрезни ҳам ўз сафига қўшиб олишни мақсад қилган деб хабар беради The Sun. Шу тариқа, “аслаҳачилар” ёзда АПЛ чемпионининг 2 нафар футболчиси билан шартнома имзолашни кўзлашмоқда. Сал олдинроқ, “тулкилар” ҳужумчиси Жейми Варди “Арсенал”га ўтиши ҳақида хабарлар тарқалганди.
Бироқ, “Лестер” клуби ўз етакчиларини осонликча қўйиб юбормоқчи эмас. Раҳбарият Риёз Маҳрез билан янги шартнома имзолаб, унинг маошини ҳафтасига 96 минг евро қилиб белгиламоқчи.
“Арсенал” билан бир қаторда Меҳрезнинг хизматларига «Манчестер Юнайтед», «Ливерпуль», «Реал» ва «ПСЖ» ҳам қизиқиш билдирган.
