АҚШда давом этаётган Америка кубогининг "А" гуруҳида 2-тур ўйинлари якунланди.
Анча шиддатли кечган Колумбия ва Парагвай терма жамоалари ўртасидаги ўйинда колумбияликлар ғалаба қозонишди.
Ўйиннинг 12-дақиқасида Карлос Бакка ҳисобни очган бўлса, 30-дақиқага келиб Хамес Родригес фарқни оширди. Иккинчи бўлимнинг 71-дақиқасида Айяла Парагвайнинг илк голига муаллифлик қилди.
81-дақиқада Ромеро майдондан четлатилганига қарамай, парагвайликлар ҳисобни тенглаштириш учун ҳужум қилишда давом этишди. Колумбия эса ғалабани сақлаб қолди ва муддатидан аввал чорак финал йўлланмасини қўлга киритди.
Энди Колумбия ҳисобида 6, АҚШда 3, Коста-Рика ва Парагвайда эса 1 очкодан мавжуд.
Америка кубоги, "А" гуруҳи, 2-тур
Колумбия – Парагвай 2:1 (2:0, 0:1)
Голлар: 1:0 – 12 Бакка, 2:0 – 30 Хамес, 2:1 – 71 Айяла.
Колумбия – Оспина, Сапата (Мина, 90), Диас, Арьяс, Мурильо, Перес (Селис, 58), Торрес, Хамес, Куадрадо (Морено, 87), Кардона, Бакка.
Парагвай – Вильяр, Гомес, Самудио, Вальдес, да Сильва, Альмирон, Пирис (Айяла, 46), Ортис, Ромеро, Лескано (Санабрия, 67), Бенитес (Бенитес, 46).
Огоҳлантиришлар: Мурильо (45), Лескано (63), Ромеро (79).
Четлатиш: Ромеро (81).
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Колумбия | 2 | 2 | 0 | 0 | 4-1 | 6 |
| 2 | АҚШ | 2 | 1 | 0 | 1 | 4-2 | 3 |
| 3 | Парагвай | 2 | 0 | 1 | 1 | 1-2 | 1 |
| 4 | Коста-Рика | 2 | 0 | 1 | 1 | 0-4 | 1 |
