Швеция терма жамоаси ҳужумчиси Златан Ибраҳимович футболдаги «Олтин тўп» соврини борасида ўз фикрларини билдириб ўтди. Ушбу соврин ҳеч қачон Ибрага насиб этмаган.
«Олтин тўп»ни қўлга киритмаганимдан афсусланмайман. Одамлар бу соврин ҳақида худди Чемпионлар лигаси каби кўп гапиришади. Лекин ғалабалар футболчиларни ўзгартирмайди, улар ўзгаришмайди. Совринлар футболчиларни яхши ёки ёмон қилиб қўймайди. Бу менинг фалсафам.
Чемпионлар лигасида ғолиб чиқсам, бу мени янада яхши қилиб қўймасди. Худди шундай «Олтин тўп» — шунчаки хонани безайдиган нарса, холос. Бу соврин ҳар доим ҳам энг кучли футболчига берилавермайди», — дея Ибраҳимовичнинг сўзларидан иқтибос келтирди Le Monde.