Теҳроннинг “Персеполис” клуби дарвозабони Суша Маконий мамлакат чемпионати ўйинларидан 6 ойга четлатилди.
Эрон Футбол федерациясининг аҳлоқ қўмитаси 29 ёшли футболчини сариқ иштон кийиб тушган фотосурат учун жазолашга қарор қилди. Хабарга кўра, футболчининг ўзи бу можаро юзасидан чақирилган кенгашга келишдан бош тортган.
«Маконийнинг ташқи кўринишини жамоатчиликка салбий таъсир қилиш эҳтимоли мавжудлиги учун шундай қарорга келдик” – деди қўмита аъзоларидан бири бу ҳақда.
Эслатиб ўтамиз, Маконий шу йилнинг январь ойида аҳлоқсизлиги учун, яъни ёпинчиқсиз аёллар қуршовида суратга тушгани учун ҳам жазоланган эди.
