«Реал» ва Португалия терма жамоаси ҳужумчиси Криштиану Роналду, "Forbes" журнали версиясига кўра, жаҳоннинг энг сердаромад спортчиси деб топилди.

Португалиялик футболчининг бир йиллик даромади 88 млн долларни ташкил қилган. Шундан 56 млн долларни у маош сифатида олган. Қолган 32 млн долларни Роналду турли ҳомийлик шартномалари ва рекламалар орқали топган.

Иккинчи ўринда «Барселона» ва Аргентина терма жамоаси ҳужумчиси Лионель Месси (81.4 млн $) қайд этилди.

Кучли учликни «Кливленд Кавальерс» баскетбол клуби юлдузи ЛеБрон Жеймс (77.2 млн $) якунлаб берди.

Қолган ўринлар қуйидагича тақсимланди:

4. Рожер Федерер (теннис) — $ 67,8 млн

5. Кевин Дюрант (баскетбол) — $ 56,2 млн

6. Новак Жокович (теннис) — $ 55,8 млн

7. Кэм Ньютон (америка футболи) — $ 53,1 млн

8. Фил Микельсон (гольф) — $ 52,9 млн

9. Жордан Спайет (гольф) — $ 52,8 млн

10. Коби Брайант (баскетбол) — $ 50 млн.