Франция дўконлари, кафелари ва пул айрибошлаш шоҳобчалари яқинида олибсотарлар Евро-2016 ўйинлари чипталарининг савдосини бошлаб юборишди, деб хабар беради ТАСС.
Хусусан, Марсель шаҳрида Россия ва Англия ўйини чипталари уч баробар қиммат нархда, яъни 300 евродан таклиф қилинмоқда. Исландия – Венгрия ўйини чипталари 150 евро, Украина – Польша ўйини чипталари 200 евродан пулланмоқда.
Афсуски, Франция ҳукумати УЕФА билан ҳамкорликда олибсотарларга қарши кураш олиб боришини эълон қилганига қарамасдан, чипта орқали мўмай даромад олиш бизнеси Евро-2016 шаҳарларида жуда яхши йўлга қўйилган.
