2016 йилги Европа чемпионати УЕФА тарихидаги энг даромадли мусобақа бўлади, деб хабар бермоқда Bloomberg.
Ташкилотнинг жами фойдаси 2 млрд евро бўлиши кутилмоқда.
Евро-2012 мусобақасидан сўнг УЕФА 1,4 млрд евро даромад топган эди. Фойданинг кўпайиши биринчи навбатда, иштирокчилар сонининг 16 дан 24 га оширилиши билан боғлиқ.
Мусобақа ўйинларининг телетрансляция ҳуқуқларини сотишдан тушган даромад 1,05 млрд евро (тўрт йил олдингига нисбатан 25% кўп) бўлади. Ҳомийлардан тушган маблағлар 40%га ошиб, 450 млн еврога тенглашади. Даромаднинг қолган қисми чипталар савдосидан олинади.
