Англия терма жамоасининг бош мураббийи Рой Хожсон Россия терма жамоасига қарши ўйиндан олдин яхши кайфиятда эканини намойиш этди.
Журналистлар билан бўлган учрашувда, Хожсон ўз ёрдамчиси Рэй Льюингтон томонидан Россия терма жамоасига қарши ўйин режасининг чизмаси эҳтиётсизлик юзасидан ошкор қилиб қўйилганига муносабат билдирди.
“У чизмада машғулотлар тактикаси бор эди. Ўйиннинг ҳақиқий тактикаси мана бу чизмада” – деди Хожсон ва ҳайрон қолган журналистларга бўм-бўш варақни намойиш қилди.
Англия – Россия ўйини 11 июнь куни Марсель шаҳрида, соат 23-55да бошланади.
