Франция терма жамоаси сафида Руминия дарвозасига ҳал қилувчи гол урган ва учрашувнинг энг яхши футболчиси деб топилган Димитри Пайе ўйиндан кейин ўз эҳтирослари билан ўртоқлашди.

«Майдонни тарк этаётиб, мен йиғладим. Бу бутун жамоа ҳис қилган босим ва стресс билан боғлиқ. Ҳиссиётимни жиловлай олмадим. Урган голим орқали барчаси жунбушга келди.

Ўйин бошида хато қилишдан қўрқдик. Боз устига, яхши ҳимояланадиган жамоага қарши ўйнадик. Кейин эса олдинга боришимиз ва ғалаба қозонишимиз мумкинлигини кўрсатдик. Мухлислар бизни охиригача қўллаб-қувватлашди. Бу ҳам роль ўйнади. Энди иккинчи ўйинга тайёргарлик кўрамиз.

Ўйиндан олдин икки ёки учта тўп фарқи билан ғалаба қозониш ҳақида ўйлагандикми? Ғалаба мана шундай қийинчилик билан қўлга киритилгани ҳаттоки яхшироқ. Еврода оддий ғалабалар бўлмаслигини бугунги ўйин кўрсатди. Ҳар бир очко учун курашиш керак. Бу ҳолат бизни жипслаштиради", - дейди Пайе.

Франция терма жамоаси навбатдаги баҳсни 15 июнь куни Албанияга қарши ўтказади.