Албания терма жамоасининг бош мураббийи Жанни Де Бьязи Швейцария терма жамоасига қарши бўладиган ўйиндан олдин ўз фикрлари билан ўртоқлашди.
“Ҳар қандай мусобақанинг илк учрашуви каби, бу ҳам жуда қийин ўйин бўлади, чунки футболчиларга босим юқори даражада.
Швейцария таркибида ҳам албан миллатига мансуб футболчилар бор экан. Албаниялик футболчиларни бир-бирига қарши тўп суриши қизиқ ҳолат, ҳатто ака-укалар бир-бирига қарши ўйнаркан.
Бу биз учун жуда муҳим ўйин. Агар гуруҳдан чиқа олсак, катта сенсация бўлади. Мусобақа якунида мухлисларимизнинг олқишларига сазовор бўлиш - биз учун катта ютуқдир. Ҳар бир ўйинчимиз Албания футболкасини фахр билан кийиб юради. Улар кучини 110%га ишга солишади ва бир-бири учун курашишади. Мана шу жасорат саралаш мусобақасида ўз самарасини берганди” – деди Бьязи УЕФА расмий сайти хабарига кўра.
