Швейцария терма жамоасининг бош мураббийи Владимир Петкович Албания терма жамоасига қарши бўлиб ўтадиган ўйиндан олдин ўз фикрлари билан ўртоқлашди.
“Бундай мусобақалардаги илк ўйиндан ҳар нарса кутса бўлади. Эҳтирослар жуда катта роль ўйнайди, айниқса биринчи ўйинда. Бироқ биз жуда қийин иш бўлса-да, тарихда из қолдириш учун бел боғлаганмиз. Умид қиламанки, Швейцария халқи бу жамоа тўғрисида кўп йиллар давомида фахр билан гапириб юради. Мақсадимиз аниқ – албанияликлардан яхшироқ ўйнаб, ғалаба қозониш. Бунинг учун совуққонлик ва эътибор билан ўйнашимиз лозим.
Албания жуда яхши ҳимояланади ва тартибли ўйнайди. Бироқ рақибни хато қилишга мажбурлаб, бундан унумли фойдаланишимиз шарт” – деди Петкович УЕФА расмий сайти хабарига кўра.
