“Қўқон-1912” жамоасининг навбатдан ташқари йиғилиши бўлиб ўтди. Йиғилишда Қўқон шаҳар ҳокими Абдуллаев Акрамжон Анорқулович, вилоят ҳокимлиги вакили Турдиматов Маъруфжон Раҳмонович ҳамда клуб аъзолари иштирок этишди.
Йиғилиш кун тартибида бош мураббий масаласи кўриб чиқилди. Унга кўра, Қўқон футболи тарбияланувчиси, ўзбек футболининг афсоналаридан бири Нўъмон Ҳасанов “Қўқон-1912” жамоасининг бош мураббийи этиб тайинланди.
Нўъмон Нурматович бугун биринчи машғулотини ўтказди.
Нўъмон Ҳасанов учун “Қўқон-1912” жамоаси бегона эмас. 2003 йилда Нўъмон Ҳасанов жамоамизда ўйновчи мураббий сифатида фаолият юритган.
Янги бош мураббийнинг ишларига омад тилаб қоламиз.
