Украина терма жамоасининг бош мураббийи Михаил Фоменко Германияга (0:2) қарши ўтказилган ўйиндан сўнг ўз фикрлари билан ўртоқлашди.
«Биз Германияни қандай таркибда майдонга тушишини билмагандик, аммо машина машиналигини қилди. Немисларга гол уриш учун имконият бермаслик лозим эди, афсуски буни уддалай олмадик. Энди бу ўйинни унутиб, фақат олдинга интилишимиз, жамоанинг жисмоний ва маънавий кучини тиклашимиз лозим. Футболчилар бундай кучли рақибга қарши ўйнаш қанчалик оғир бўлишини ҳис қилиб туришган эди. Эндиги масала, кейинги ўйинда ғалаба қозониш», — деди Фоменко УЕФА матбуот хизмати хабарига кўра.
Эслатиб ўтамиз, Украина терма жамоаси кейинги ўйинни 16 июнь куни, Шимолий Ирландияга қарши ўтказади.
