Туркия терма жамоаси бош мураббийи Фотиҳ Терим Туркия Евро-2016’даги дастлабки учрашувда Хорватияга мағлуб бўлгандан кейин ўз фикрларини айтиб ўтди. Учрашув хорватларнинг 1:0 ҳисобидаги ғалабаси билан якунланди. Учрашувдаги ягона тўпни Лука Модрич киритди.

— Мусобақани тегишлича бошлай олмаганимиз аянчлидир. Биринчи бўлимда жамоа яхши ўйнади, бизда кўп имкониятлар бўлди. Бироқ танаффусдан кейин, айниқса 60-дақиқадан кейин тезликни туширдик.

Хорватия 2-бўлимда яхши ўйнади. Бизга мусобақада узоққа боришга қодир кучли рақиб қарши турди. Испания ва Чехия билан яна иккита ўйин бор. Ғолиб бўлиш учун барча кучимизни берамиз.

— Мағлубиятдан қандай сабоқлар чиқариш лозим?
— Тўпга кўпроқ эгалик қилиш керак. 1-бўлимда бунинг уддасидан чиқдик – тенг ўйин бўлди. Бундан ташқари, бизда ҳисобни очиш учун жуда яхши имконият бўлди. Сабоқ шундаки, тўпни енгил йўқотиб, сўнгра унинг кетидан югуриб юриш ярамайди. Рақибга кўпроқ босим ўтказиш лозим.

— Сиз учрашувга швециялик ҳакам Эрикссоннинг белгиланишини истамаганингиз ростми?
— Ҳа мен бу ҳақда айтгандим, — деб жавоб берди "Император".