Мамлакатимиз чемпионатининг 11-тур доирасидан ўрин олган "Шўртан" – “Олмалиқ” учрашувидан сўнг ташкиллаштирилган матбуот анжуманинг биринчи қисмида, меҳмон жамоа бош мураббийи – Игорь Анатольевич Шквирин ушбу учрашув ҳақида  фикрларини қуйидагича изоҳлади:
- Мухлислар учун жуда қизиқарли ўйин бўлди деб ўйлайман. Сабаби, учрашув бугун голларга бой бўлди. Ҳозирги пайтларда, ҳатто хоккейда ҳам бунча гол уришмайди.Афсуски, мухлислар билан бу қувончни бўлишолмаймиз. “Шўртан” жамоаси нечта вазият яратган бўлса, шунчасидан унумли фойдаланди. Бизда эса имкониятлар рақибга нисбатан кўпроқ бўлган бўлсада, уларни самарали якунлай ололмадик. Қаердадир омад етишмаган бўлса, яна қайсидирларида маҳоратимиз камлиги панд берди. Ютиш учун эса кўпроқ гол уриш керак. Кўплаб хатоларга йўл қўйдик. Улар устида ишлашимиз керак. 
- “Шўртан”га паст баҳо беришдан йироқман. Сабаби чемпионат давомида “Шўртан” ўйинларини кўриб, таҳлил қилиб келгандик. Ҳатто бу жамоа чемпионат бошида турнир жадвалининг оҳирида турган бўлсада, жамоа яхши ҳолатда эканлиги ва ўз ўрнида эмаслигини доим таъкидлаганман. Рақибимиз бундай оғир вазиятдан чиқиб кетолгани таҳсинга лойиқ.
- Жамоамиз олида энди ҳеч қандай вазифа йўқ. Асосий вазифамиз имкон қадар йўқори ўринлар учун кўрашиш.