Италиянинг «Наполи» клуби ҳужумчи Гонсало Игуаинга янги шартнома таклиф қилди.
Футболчининг амалдаги шартномаси 2018 йилнинг ёзида ниҳоясига етади. Янги келишувга кўра, аргентиналикнинг маоши йилига 5 миллион евродан 7 миллион еврогача кўтарилади. Шунга монанд, трансфер нархи 94 миллион евродан 70 миллион еврога туширилади. Бу фактни «Наполи» президенти Аурелио Де Лаурентис ҳам тасдиқлаган.
«Мен пулни столга қўйдим. У янги шартномага муносиб», – деди Де Лаурентис.
Жорий мавсумда Игуаин А серияда 66 йилдан бери сақлаб келинаётган рекордни ўзининг 36 голи билан йўққа чиқарди.