Хорватия терма жамоаси бош мураббийи Анте Чачич Туркия устидан эришилган ғалабага изоҳ бериб этди. Евро-2016’даги жамоаларнинг дастлабки учрашуви 1:0 ҳисобида якунланди.

- Натижадан мамнунман. Жамоа ҳисобда олдинда борди ва яна гол уриш учун интилишини кўрсатди. Иккинчи, учинчи марта.

- Рақиб хорват жамоаси ўз имкониятларидан фойдалана олмагани ва устунликни мустаҳкамламаганидан фойдаланиб, ҳисобни тенглаштириши мумкин деб ҳаяжонландингизми? Ўтган мусобақаларда Туркия ўйин охирида бир неча маротаба голлар ура олган.

- Биз мусобақага яхши тайёрландик. Ўйинчилар ўз кучларига ишонадилар. Улар ўйинни 90 дақиқа давомида назорат қилишди.

- Нимага юзи қонга беланган Чорлукани алмаштирмадингиз?

- У боши билан ўйнаганда қон яна оқа бошлади. Мен у майдонни тарк этиши керак, деб ҳисоблагандим, бироқ Чорлука буни истамади. У ҳақиқий жангчи.

- Хорватия мусобақада ҳозирча энг юқори даражадаги ўйин кўрсатди. Кейинги ўйинлар ҳақида қандай фикрдасиз?

- Ўйинчиларга дастлаб Туркиядан эмас, Чехиядан хавфсираганимни айтдим. Ғалаба ҳақида унутиб, кейинги ўйинга эътибор қаратиш керак.

- Сизнинг интилишларингиз қанчалик узоққа боради? Мусобақанинг қайси босқичига боришни мўлжалламоқдасиз?

- Бизнинг интилишлар – ҳар бир ўйинда ижобий натижага эришишдир. Биз ғалаба учун 100 фоиз кучимизни берамиз ҳамда бўлиб ўтган ўйинда йўл қўйилган хатоларни тўғрилаймиз", - деб айтди Чачич.