Айни пайтда Тошкентнинг “темирйўлчилар” жамоасини бошқараётган мураббий Андрей Микляев бир вақтлар “Насаф” жамоаси шарафини ҳимоя қилган.
Андрей Микляев 1998-1999 йиллар “Насаф” жамоаси сафида ҳимоячи сифатида ҳаракат қилган, ўша пайти жамоада Виктор Борисов мураббийлик қилган, унга ҳозирги пайтда “Севинч” жамоасида бош мураббийлик қилаётган Владислав Хан ёрдам берган.
Хабарингиз бор, “Насаф” жамоаси 16 июн пайшанба куни Қаршида “Локомотив” жамоасини қабул қилади. Турнинг марказий учрашуви жуда қизиқарли бўлишини олдиндан башорат қилиш қийин эмас. Қани кўрамиз, икки собиқ футболчи – мураббийлар ўз шогирдларини ўйинга қандай тайёрлашадию, ўйин қандай бўлади.
Мухлисларга ушбу қизиқарли учрашувни ўтказиб юбормасликни тавсия қиламиз, севимли жамоамиз “Насаф”га ҳар қачонгидан кўра ғалаба зарур. Келинг, жамоамизни чин кўнгилдан ушбу ўйинда қўллаб-қувватлайлик.
Азамат Умаров.
