Италия терма жамоасининг бош мураббийи Антонио Конте Бельгия терма жамоасига қарши ўйиндан олдин ўз фикрларини билдирди.
"Бу 46 жангчи иштирокидаги беллашув бўлади: биздан 23, улардан 23. Ватан ҳаммамизни олға чорламоқда, демак ҳар бир футболчи энг яхши жангчи бўлиш учун бор кучини ишга солади. Каллани ишлатиш керак, курашиш керак, бир неча кун давомида ишлаб чиққан режамизга мувофиқ ўйнашимиз керак.
Бельгия ҳақида кўп гапириш шартмас. Унинг кучи ҳаммамизга аён, унда бир қанча қобилиятли футболчилар тўп суради. Бельгия футболи сўнгги пайтларда анча ривожланди, улар мақтовга лойиқ. Бельгия ҳужумда ҳам, ҳимояда ҳам анча кучли. Бугунги кунда бу жуда кучли терма жамоа, келажакда ҳам шундай бўлиб қолади” – деди Конте УЕФА расмий сайти хабарига кўра.
