Ўзини Владимир деб таништирган рус фанати Марсель шаҳрида уюштирилган тартибсизликлар ҳақида гапирди.

«Россия – Англия (1:1) ўйини ўтказиладиган куни Марселга 150 нафар рус безориси етиб келди. Тўқнашувларда эса 500-600 нафар мухлис иштирок этди. Кўпчилиги “Локомотив” мухлислари эди. Биз бунақа муҳим мусобақаларда ҳар доим иштирок этамиз.

Биз инглизларга қарши бир тану, бир жон бўлиб курашдик. Қайси клуб мухлиси бўлганимизни аҳамияти йўқ эди. Атайин Россиядан етиб келиб, инглизларни додини бериш асосий мақсадимиз эди.

Шу пайтгача инглизлар энг кучли фанатмиз деб мақтанишган. Биз эса уларни йиғлоқи қиз эканини исботладик», – деди фанат.