Англия терма жамоасининг ҳужумчиси Уэйн Руни инглиз мухлисларига мурожаат қилиб, Ланс шаҳрида бўлиб ўтадиган Англия – Уэльс ўйинидан олдинги вазиятни тушунтирди.
«Россия терма жамоасига қарши ўйинда бизни қўллаб-қувватлаган мухлисларга миннатдорчилик билдираман. Олдинда бизни Уэльсга қарши муҳим ўйин кутмоқда. Мухлисларга мурожаат қилмоқчиман. Агар ўйин чиптасига эга бўлмасангиз, Ланс шаҳрига бормаганингиз маъқул. Чиптаси борларга эса тартиб-интизомни сақлаш ва хавфсиз жойларда бўлишни маслаҳат бераман. Бизга ишонинг ва мухлислик қилинг. Рахмат», — деди Руни.
Эслатиб ўтамиз, Англия - Уэльс ўйини 16 июнь куни бўлиб ўтади.
