Испания терма жамоаси ҳимоячиси Херард Пике Евро-2016 мусобақасининг 1-туридаги Чехияга қарши учрашув ҳақида фикр билдириб ўтди.
“Ўйлашимча, биз яхши ўйнадик ва ўйин тизгинини қўл остимизда ушлаб турдик. Бироқ тўп дарвозага киришни истамади. Мусобақани ғалаба билан бошлаш жуда муҳим эди. Иньестага раҳмат, у жуда ажойиб тўп узатишини амалга оширди.
Менинг ўғлим бугунги учрашувни Испания футболкасида стадионда томоша қилди”, – деди испаниялик ҳимоячи.
Эслатиб ўтамиз, Пике ўйиннинг 87-дақиқасида учрашувдаги ягона голни киритди.
