Бельгия терма жамоасининг дарвозабони Тибо Куртуа Италияга (0:2) қарши кечган ўйин ҳақида ўз фикрларини билдирди.
«Биз тактика ва ўйинни ташкил қилиш борасида Италияга ютқаздик. Бундан ташқари, ўртоқлик ўйинларида йўл қўйган хатоларимизни бугунги ўйинда ҳам такрорладик. Ҳеч ким Италия терма жамоаси футболчиларининг тезкор ҳаракатларига эътибор бермади. Албатта мағлубиятдан қайғудамиз. Айниқса гуруҳнинг бошқа ўйинида Ирландия ва Швеция дуранг ўйнагач, охирги ўринга тушиб қолганимиздан хафамиз. Энди қолган икки ўйинда ғалаба қозонишимиз шарт», — деди Куртуа Football Italia хабарига кўра.
