Бугун Европа чемпионатининг "Ф" гуруҳидан ўрин олган Португалия - Исландия термалари ўйини бўлиб ўтади.

Қуйида мазкур учрашувига оид фактлар билан танишишингиз мумкин.

1. Ушбу жамоалар шу кунга қадар 4 марта тўқнаш келишган. Ўйинларнинг барчасида Португалия термаси ғалаба қоознган. Тўплар нисбати 11:5 

2. Португалия термаси Европа чемпионатида 28 ўйин ўтказиб, 15 ғалаба, 5 дуранг ва 8 мағлубият қайд этган. Тўплар нисбати 40:26

3. Исландия термаси Европа чемпионатидаги дебют ўйинини ўтказади.

4. ФИФА рейтингида Португалия 8, Исландия 34-ўринда бормоқда.

5. Португалия тарихидаги энг яхши тўпурар: Криштиану Роналду (58 гол) ҳисобланади.

6. Исландия тарихидаги энг яхши тўпурар: Эйдур Гудёнсен (25 гол) ҳисобланади.

7. Португалиянинг лақаби "Танланганлар жамоаси", Исландиянинг лақаби эса "бизнинг йигитлар"

8. Мазкур беллашув Cент-Этьенн шаҳридаги 42000 мухлисга мўлжалланган "Жоффруа Гишар" стадионида бўлиб ўтади.

9. Исландия термасига швециялик Ларс Лагербак, Португалия термасига эса Фернанду Сантуш мураббийлик қилади.

10. Ушбу ўйинни Туркиялик Жюнейт Чақир бошчилигидаги ҳакамлар бригадаси бошқариб боради.

Фурқат Юсупов тайёрлади
Манба: Jayhun.uz (Furkat.uz)