Бугун Европа чемпионатининг "Ф" гуруҳидан ўрин олган Австрия-Венгрия термалари ўйини бўлиб ўтади.

Қуйида мазкур учрашувига оид фактлар билан танишишингиз мумкин.

1. Ушбу жамоалар шу кунга қадар 137 марта тўқнаш келишган. Ўйинларнинг 67 тасида Венгрия, 40 тасида Австрия ғалаба қозонган бўлса, қолган 30 беллашувда муроса кўчаси танланган. Тўплар нисбати 301:252 Венгрия фойдасига!

2. Австрия термаси Европа чемпионатида 3 ўйин ўтказиб, 1 дуранг ва 2 мағлубият қайд этган. Тўплар нисбати 1:3

3. Венгрия термаси Европа чемпионатида 4 ўйин ўтказиб, 1 ғалаба, 3 мағлубият қайд этган. Тўплар нисбати 5:6

4. ФИФА рейтингида Австрия 10, Венгрия 20-ўринда бормоқда.

5. Австрия тарихидаги энг яхши тўпурар: Тони Полстер (44 гол) ҳисобланади.

6. Венгрия тарихидаги энг яхши тўпурар: Ференц Пушкаш (84 гол) ҳисобланади.

7. Австриянинг лақаби "Жамоа", Венгриянинг лақаби эса "Қудратли мадиёрлар"

8. Мазкур беллашув Бордо шаҳридаги 42000 мухлисга мўлжалланган "Матмю Атлантик" стадионида бўлиб ўтади.

9. Австрия термасига швейцариялик Марсел Коллер, Венгрия термасига эса германиялик Бернд Шторк мураббийлик қилади.

10. Ушбу ўйинни Франциялик Клеман Турпен бошчилигидаги ҳакамлар бригадаси бошқариб боради.

Фурқат Юсупов тайёрлади
Манба: Jayhun.uz (Furkat.uz)