Португалия терма жамоаси ҳужумчиси Криштиану Роналду Исландияга қарши Евро-2016 учрашувидан сўнг ўз фикрлари билан ўртоқлашди.

«Биз бироз афсусдамиз, чунки ғалаба учун қўлимиздан келган ҳаммасини қилдик, Исландия эса ҳеч нарса қилгани йўқ.

«Улар гол уришди, 90 дақиқа давомида рақибимизда атиги иккита вазият бўлди. Бутун Исландия термаси ҳимояда ўтирди. 

«Исландияликлар ҳимояга автобус қўйиб олишди, бундай ўйинларда ғалаба қозониш қийин. Биз ғалаба учун ҳаракат қилдик, бироқ ўхшамади. 

«Биз қўлимиздан келганини қилдик, тўпни назорат қилиб турдик. Исландия эса фақат ҳимояланди, ҳимояланди, ҳимояланди. Уларга шунчаки омад кулиб боқди. 

«Биз бу ўйиндан уч очко олишимиз керак эди, бироқ ҳаммаси жойида. Исландлар бу дурангни худди Еврода чемпион бўлгандек нишонлашди, бунга ақлбовар қилмайди.

«Исландия термасининг ўйин услуби уларнинг имкониятлари чекланганидан далолат. Улар Еврода ўз олдларига ҳеч қандай мақсад қўйишмаган», — деди Роналду.