Уэльс терма жамоаси аъзоси Гарет Бэйл Евро-2016 чемпионати доирасида Англия термаси билан ўтказиладиган ўйин олдидан ўз фикрларини билдириб ўтди. Ўйин 16 июнь куни, Тошкент вақти билан 18:00да бошланади.
“Англия терма жамоаси футболчиларидан қайси бири Уэльс термасидан жой ола оладими? Ҳеч қайсиси. Мен инглиз футболчиларига қизиқмайман, бизнинг ўйин масаласида ўз қарашларимиз бор. Улар бизга қараганда кучли таркибга эгамиз, деб ҳисоблашса, майли шундай бўлақосин. Биз биламиз, Англияда футболчилар танлови масаласида камчилик йўқ. Аммо Уэльс ҳам сўнгги йилларда ўзидаги бу бўшлиқни тўлдиришга эришди”, - деб унинг сўзларидан иқтибос келтирди The Guardian нашри.
