Испания терма жамоаси бош мураббийи Висенте дель Боске Икер Касильяснинг нима учун захирада қолгани ҳақида фикр билдирди.
“Мен буни аввалдан била туриб, сукут сақлаб юрганим йўқ. Ҳаттоки ўз фарзандларимга ҳам ким асосий таркибда тушиши ҳақида гапирганим йўқ. Биз охиргача мулоҳазали ҳамда эҳтиёткор бўлишимиз керак. Касильяснинг майдонга тушмаётгани менга ҳам оғир. Бироқ биз кичик фарқ билан энг яхшини танладик. Менга Икернинг захира ўриндиғини ўзини тутиши ёқди. Мен ҳам буни тўғри қабул қилишга ҳаракат қилмоқдаман”, – деди дель Боска.
Эслатиб ўтамиз, Евро-2016 мусобақасида Испания биринчи турда Чехияга қарши майдонга “Манчестер Юнайтед” дарвозабони Давид де Хеа тушган эди.
