Агар Россия терма жамоаси Европа чемпионатидан четлатилса, у ҳолда мусобақа форматига ўзгариш киритилади.
Британиялик ОАВ хабарига кўра, агар иштирокчи дисквалификация қилинса, унинг барча натижалари бекор қилинади ва В гуруҳидаги натижалар қандай бўлишидан қатъий назар, гуруҳдан фақат 2 терма жамоа кейинги босқичга чиқади.
Ҳозирги регламентга кўра, 1 ва 2-ўринни эгаллаган, шунингдек 3-ўринни эгаллаган 4та энг яхши терма жамоа кейинги босқичга чиқиши керак.
Эслатиб ўтамиз, УЕФА рус фанатларининг Марселдаги тартибсизликлари юзасидан Россия футбол иттифоқини шартли равишда мусобақадан четлатган эди. Агар бу тартибсизликлар давом этадиган бўлса, Россия терма жамоаси мусобақадан расман четлатилади.
