Португалия терма жамоаси ҳужумчиси Криштиану Роналду Евро-2016 мусобақасининг биринчи турида Исландияга қарши кечган учрашувдан (1:1) сўнг ўзининг майдондаги ўрни ҳақида фикр билдирди.
“Жамоанг кучлироқ эканини ҳамда ўйинда кўпроқ голли вазиятлар яратганганингни билиб туриб, юта олмаслик доимо аламли бўлади. Бироқ футбол шунақа. Терма жамоада ўзим учун энг ёқимли амплуада ҳаракат қиламанми йўқми, билмадим. Бироқ бу мураббийнинг танлови. Менга кўпроқ қанотлар ва марказдан кириб бориш ёқади. Аммо мен майдонда эркин футболчиман. Мураббийнинг талабларига кўникишим керак”, – деди Роналду.
