Россия терма жамоасининг бош мураббийи Леонид Слуцкий Словакия (1:2) терма жамоасига қарши ўтказилган ўйиндан сўнг ўз фикрларини билдириб ўтди.

«Бошқача таркиб қилишим керакмиди ёки йўқми, энди бу гапларни фойдаси йўқ. Биз хатоларга йўл қўйиб, 2та гол ўтказиб юбордик. Кейин майдон марказидаги ўйин моделини ўзгартиришга мажбур бўлдим.

Словакия бурчак зарбаларини қандай амалга оширишини билардик. Бироқ футболчиларимиз диққат эътиборни пасайтиришди, қўпол хатога йўл қўйишди.  Футболчилар ўйинига омма олдида баҳо бермоқчи эмасман, буни ўзаро муҳокама қилиб оламиз. Смолов, Кокорин ва Дзюбада яхши вазиятлар бўлди. Агар улардан фойдаланганимизда, ҳозир бошқача руҳда гаплашган бўлардик.

Гуруҳдаги вазият чигал. Барча жамоаларда имконият бор, демак кураш охиригача кечади.

Уэльснинг икки зўр ўйинчиси бор – Бэйл ва Рэмси. Лекин бу ўйинда алоҳида олинган футболчилар эмас, балки бутун жамоа қандай ўйин намойиш қилиши муҳим аҳамиятга эга», – деди Слуцкий.