Россиянинг “Газпром” компанияси УЕФА билан ҳамкорликни тўхтатмоқчи эмас, деб хабар беради ТАСС.
Европа чемпионатида рус фанатлари томонидан уюштирилган тартибсизликлар натижасида, “Газпром” УЕФА билан ҳамкорликни тўхтатиши мумкинлиги ҳақида хабарлар тарқалган эди.
"Ҳамкорликни тўхтатилиши ҳақида гап сўз бўлгани йўқ. Бироқ вазиятни (яъни Россия терма жамоасини мусобақадан четлатилиш эҳтимолини) кузатмоқдамиз. Бу воқеани қандай тугашини кўрамиз, шундан сўнг маълум қарорга келамиз” – деди “Газпром” мулозимларидан бири.
Эслатиб ўтамиз, "Газпром" УЕФАнинг энг йирик ҳомийларидан бири ҳисобланади.
