Россия – Словакия (1:2) ўйини пайти, трибунада файер ёққан мухлиснинг шахси аниқланди, деб хабар беради «Бизнес Online».
Денис Глушаков 80-дақиқада ҳисобни қисқартиргач, россиялик мухлислар ўтирган трибунада файер ёқилган. Ўйиндан сўнг кузатув видеокамералари ёзуви ўрганиб чиқилиб, файерни ёққан шахс қозонлик футбол мухлиси Азамат Содиқов экани аниқланди.
Эслатиб ўтамиз, Евро-2016 пайтида трибуналарда пиротехник воситалар ва файерлардан фойдаланиш қатъий тақиқланган. Қоида бузилган тақдирда, мамлакат футбол федерациясига нисбатан жарима солиш жазоси қўлланади. Агар Россия футбол иттифоқи бу можаро юзасидан жаримага солинса, у ҳолда РФИ файерни ёққан мухлисдан суд орқали жаримани ундириб олиши мумкин.
