Украина терма жамоаси бош мураббийи Михаил Фоменко Евро-2016 гуруҳ босқичининг иккинчи турида Шимолий Ирландияга қарши ўйиндан олдин фикрларини билдириб ўтди.

«Биринчи навбатда Германия билан ўйиндагидан кўра кўпроқ вазиятлар яратишимиз ва улардан фойдаланишимиз керак. Асосийси — руҳий жиҳатдан ўйинга тайёр бўлиш.

Мухлисларга нимани маслаҳат қиламан ва нималарни тавсия берманми? Улар ёш болалар эмас деб ўйлайман. Улар бир-бирларига қандай мухлислик қилишни ўргатишлари керак. Уларга олдиндан раҳмат айтиб қоламан. Биз уларнинг қўллаб-қувватловини ҳис қилиб туришни истаймиз», – деган Фоменко.

Украинанинг Шимолия Ирландияга қарши ўйини бугун, Тошкент вақти билан соат 21:00да Лион шаҳридаги «Стад де Лион» стадионида бошланади. Ирландлар биринчи турда Польшадан енгилган, украинлар эса Германияга 0:2 ҳисобида ютқазган.