Европа чемпионатининг 2-тури доирасида мухлислар Британия дербсига гувоҳ бўлишди. Қизиқарли кечган ўйинда Англия терма жамоаси сўнгги дақиқаларда Уэльсни мағлуб этишга муваффақ бўлди.
Ваҳоланки, биринчи бўлимда уэльсликлар ҳисобда олдинга чиқиб олишганди. Дарвозага 40 метрлардан белгиланган жарима зарбасини Бэйл тепди. Тўп Ҳартнинг қўли орқали устунга тегиб, чизиқни кесиб ўтди.
Иккинчи бўлим бошида Ҳожсон амалга оширган ўйинчи алмаштиришлар ўз самарасини берди. Дастлаб Старриж жарима майдончаси чап томонидан тўпни дарвозабон майдончаси чизиғи устига кўтарди. Тўп ҳимоячи Эшли Уильямсннг бошидан пассив офсайдда турган Вардига келиб тушди ва Жейми 2 метрдан дарвозани ишғол қилди.
Ўйинга қўшиб берилган дақиқаларнинг иккинчиси Старриж ўзи бошлаган ҳужумни ўзи якунига етказди. Яқин масофадан йўлланган зарбани Уэльс посбони қайтара олмади.
Ушбу ғалабадан кейин Англия терма жамоаси ҳисобидаги очколар сони 4тага етди. "В" гуруҳида Уэльс ва Словакия ҳисобида 3, Россияда 1 очко бор.
Евро-2016. "В" гуруҳи, 2-тур
18:00. АНГЛИЯ - УЭЛЬС - 2:1
Голлар: 0:1 – 42 Бэйл, 1:1 – 56 Варди, 2:1 – 90 Старридж.
Англия – Харт, Кэйхилл, Роуз, Уокер, Смоллинг, Алли, Дайер, Лаллана (Рэшфорд, 73), Стерлинг (Старридж, 46), Кейн (Варди, 46), Руни.
Уэльс – Хеннесси, Уильямс, Дэвис, Тэйлор, Честер, Бэйл, Рэмзи, Робсон-Кану (Уильямс, 72), Аллен, Ледли (Эдвардс, 67), Гантер.
Огоҳлантириш: Дэвис (61).
