“Қўқон-1912” – “Сўғдиёна” учрашувидан кейин ўтказилган матбуот анжуманининг биринчи қисмида жиззахликлар устози Даврон Файзиев иштирок этди.
Нима десам бўлади. Бугунги учрашув жуда қизиқарли бўлди. Фақат сўнгги дақиқаларда бизга омад кулиб боқди. Янги бош мураббий “Қўқон-1912”да катта ҳажмдаги ишни амалга оширгани кўринди. Мезбонлар ҳужумкор ўйин намойиш этишди. Сўнгги дақиқада омад улардан юз ўгирди.
Қандай қилиб ўйинчимиз бирга-бир вазиятга чиқиб кетганини билмай қолдим. Олдинги ўйинда айтган гапим-истеъфо борасидаги фикримни ўзгармайди. Ўзимда чарчоқни сезяпман. Бугунги ғалабадан кейин ҳам фикрим ўзгармаган. Раҳбарият рози бўлса биринчи даврадан кейин истеъфога чиқаман.
“Сўғдиёна” Осиё Чемпионлар лигасига чиқса мени хурсанд ҳолда кўришингиз мумкин. Бу гаплар ҳазил. Лекин ҳар қандай ҳазил тагида ҳақиқат ётади.
