Англия терма жамоаси бош мураббийи Рой Ходжсон Уэльсга қарши ўйиндан кейинги фикрлари билан ўртоқлашди.
"Старриджнинг голидан кейинги ҳолатимни бир сўз билан изоҳлаш қийин. Ўша вақтда руслардан ўтказиб юборган голимиз қанчалик аламли бўлганини ҳис қилдим. Биз бу ўйинда тўлиқ ғалабага муносиб эдик. Уэльс зўр ўйнади, ҳимояланишда деярли хато қилмади, лекин йигитлар барча кўрсатмаларни аниқ бажаришди. Захирамизда Старридж, Рэшфорд каби йигитларнинг борлиги бизнинг омадимиз. Улар нимадир ўйлаб чиқариши ва ўйиндаги сокинликни бузиб юборишлари мумкин.
Варди ўзига ишонадиган ажойиб футболчи. Кейн Россияга қарши кўп куч сарфлади ва унинг чарчагани сезилди. Жеймининг катта фойдаси тегди. У жарима майдончасида қандай ҳаракат қилиш керак эканини яхши билади",- дейди мураббий.
Эслатиб ўтамиз, Уэльсга қарши ўйинда биринчи бўлимдан кейин 0:1 ҳисобида ортда бораётган инглизлар Варди ва Старриджнинг голлари эвазига иродали ғалабани қўлга киритишди.
