Швеция терма жамоаси ҳужумчиси Златан Иброҳимович Италияга қарши учрашувдан кейин изоҳ берди. Учрашув 1:0 ҳисобида италияликлар фойдасига якунланди.
"Учрашув Италия каби кучли рақибга барча 90 дақиқа давомида ўйнаш зарурлигини кўрсатди. 89 дақиқа ўйнаш етарли эмас. Бутун ўйин давомида эътиборни сусайтирмаслик лозим", деб айтди футболчи.
Иброҳимович италиялик ҳимоячи Жоржо Кьеллинига эътирозлари йўқлигини айтди. Учрашувдаги эпизодлардан бирида Иброҳимович Кьеллинининг Йон Гвидеттига қарши ҳаракатидан норозилик билдирганди.
"Ҳаммаси жойида. Ҳаммаси яхши. Агар бундай бўлмаганда, Кьеллинини шифохонага етказиб бўлишган бўларди", деб айтди тхэквандо бўйича қора белбоғ соҳиби бўлган футболчи.
