Германия терма жамоасининг бош мураббийи Йоахим Лёв собиқ футболчи Михаэль Баллакнинг гапига жавоб берди. Баллак ҳозирги терма жамоада ирода йўқлиги ва етакчилар етишмаётгани ҳақида гапирган эди.
«Вазият яна такрорланяпти. Бундай гап сўзлар кулгимни қистайди. 2014 йили ҳам бизда етакчилар йўқлиги ҳақида гапирилганди. Кейин Германия жаҳон чемпиони бўлгач, шу заҳотиёқ бизда ажойиб етакчилар пайдо бўлиб қолди.
Энди Польша билан 0:0 ўйнадик ва бу гап сўзлар яна пайдо бўлди. Айтмоқчиманки, терма жамоада ажойиб етакчилар бор», – деди Лев.
