Европа чемпионатида бугун 3-тур ўйинлари бошланади. Бугунги дастурдан фақат "А" гуруҳи жамоалари ўртасидаги ўйинлар жой олган. Қоидага кўра, сўнгги тур баҳслари бир вақтда бошланади.
Гуруҳдаги дастлабки ўйинлар натижалари ва юзага келган вазият қуйидагича:
1-тур. 10.06.2016 Франция - Руминия - 2:1
1-тур. 11.06.2016 Албания - Швейцария - 0:1
2-тур. 15.06.2016 Руминия - Швейцария - 1:1
2-тур. 15.06.2016 Франция - Албания - 2:0
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Франция | 2 | 2 | 0 | 0 | 4-1 | 6 |
| 2 | Швейцария | 2 | 1 | 1 | 0 | 2-1 | 4 |
| 3 | Руминия | 2 | 0 | 1 | 1 | 2-3 | 1 |
| 4 | Албания | 2 | 0 | 0 | 2 | 0-3 | 0 |
3-тур, 19 июнь, 23:59
Руминия - Албания
Швейцария - Франция
Демак, Швейцария ва Франция терма жамоалари гуруҳ ғолиблиги учун кураш олиб боришади. Мезбонларни дуранг натижа ҳам қаноатлантиради. Қайсидир маънода Швейцария ҳам дурангга қарши бўлмаса керак. Боиси, 5 очко "банкирлар"нинг 2-ўрин билан плей-оффга чиқишини кафолатлайди.
Гуруҳда 3-ўрин орқали кейинги босқич чиқиш учун Руминия ва Албания ўртасида аёвсиз жанг бўлишига шубҳа йўқ. Дуранг ҳар иккаласини қаноатлантирмайди. Агар бу ўйин дуранг билан тугаса, 3-ўринни эгаллаган Руминия жуда катта эҳтимол билан кейинги босқичга чиқа олмайди.
Руминия ғалаба қозониб, 4 очкога эга бўлса, жамоанинг плей-оффга чиқиш имконияти анча ошади. Албания бугун дастлабки 3 очкони қўлга киритса, плей-офф масаласини гуруҳ босқичи якунлангунга қадар кутишига тўғри келади.
