Германия терма жамоасининг бош мураббийи Йоахим Лёв 24 жамоа иштирок этадиган ҳозирги Европа чемпионатидан норози эканини билдирди.
«16 жамоали тизим энг яхши эди. Мусобақанинг биринчи кунидан бошлаб ўйинлар қизиқарли ўтарди. Ҳозир вазият умуман бошқача. Афсуски эски тизимга қайтишнинг иложи йўқ.
Баъзи жамоалар кўп вақтини ҳимояда ўтказишмоқда. Албания, Уэльс каби кичик терма жамоалар ҳимоявий ўйнамоқда. Улар ўз омадини қарши ҳужумларда синаб кўришмоқда. Натижада ўйинлардаги сермаҳсуллик камайиб бормоқда.
Бироқ янги тизимнинг афзаллиги ҳам бор. Икки ўйиндан сўнг 1 очкога эга жамоалар ҳам сўнгги тургача кейинги босқичга чиқиш имкониятини сақлаб қолмоқда», – деди Лёв.
