«Манчестер Юнайтед» мураббийларидан бири Райан Гиггз яқин вақт ичида чемпионшип вакили «Ноттинҳэм Форест» жамоасида бош мураббий сифатида иш бошлаши мумкин.
Manchester Evening News маълумотига кўра, букмекерлар ушбу 42 ёшли уэльслик мураббийнинг чемпионшип жамоаси раҳбарлигига тайинланиши имкониятларини 33/1 дан ½ гача кўтаришган.
Бундан олдинроқ, «МЮ»нинг янги бош мураббийи Жозе Моуриньога ёрдамчи мураббий сифатида унинг кўп йиллик ҳамкори Руй Фария тайинланиши ҳақида хабар чиққанди.
Ўтган мавсумда «Форест» чемпионшипда 16-ўринни эгаллади.
«МЮ» раҳбарияти эса ўтган йили Луи ван Гаалга ёрдамчилик қилган Гиггз жамоада қолиши ва ёшлар билан ишлаб уларнинг асосий жамоага ўтишига ёрдам беришини истамоқда.
