Машҳур футбол агенти Паулу Барбоза Португалия терма жамоаси ҳужумчиси Роналдунинг Европа чемпионатидаги иштироки тўғрисида гапирди.
«Афсуски Роналду «Реал» сафида намойиш қилаётган ўйинини терма жамоада ҳам намойиш қилмаяпти. Балки мавсумнинг охири бўлгани учун у толиққан бўлиши мумкин. Аввалги чемпионатларда ҳам у терма жамоада яхши ўйин намойиш қилолмаганди.
Терма жамоада жарима зарбалари ва пенальтини бир киши амалга оширавериши яхши эмас. Бош мураббий бу ишни бошқаларга ҳам ишониб туриши керак. Аммо Роналду дарҳол тўпни қўлга оляпти. Демак терма жамоани у бошқаряпти.
Португалия таркибида Роналдудан бошқа кучли футболчи, шахс йўқ. Жамоа тўлиғича унга бўйсуняпти. Бу Португалиянинг фожиаси» - деди Барбоза.
