Уэльс терма жамоасининг ҳужумчиси Гарет Бэйл Евро-2016да муваффақиятли амалга ошираётган жарима зарбаларининг сири билан ўртоқлашди. Эслатиб ўтамиз, Бэйл ҳар иккала ўйинда ҳам жарима зарбасидан гол урганди.
«Аввал жарима зарбаси тепганимда, тўп айлантириб юборардим. Энди эса бошқача техника қўллаяпман, у менга ёқяпти. Тўпни айлантириб тепиш жонимга теккан.
Бунақа услубда тепилганда, агар сал нотўғри иш қилинса тўп дарвоза тўсини устидан ўтиб кетади, агар тўғри қилинса жуда чиройли гол бўлади.
Европа чемпионатидаги тўп АПЛ ва примерадаги тўплардан фарқ қиларкан. Агар тўғри зарба берилса, у ўз йўналишини ўзгартириб юбораркан. Албатта дарвозабонлар учун бу қийин, аммо биз учун яхши», – деди Бэйл.
